<?xml version="1.0" encoding="UTF-8"?><song><hymn_number>209</hymn_number>
<title>Jesosy tena kiady FFPM209</title>
<lyrics>[V1]
 Jesosy tena kiady
 Sy reharehanay,
 Namoha vavahady,
 Ny Tanindrazanay ;
 Nampiditra ny teny
 Hampahalala anay
 Ny Ray, ny fahendreny,
 Mba hianaranay.

[V2]
 Na betsaka mifofo
 Ny Baibolinay,
 Mihaza sy milofo
 Moa ketraka izahay ?
 Jesosy no Mpiaro
 Ka moa ho kivy ve ?
 Vao mainka mihamaro
 Ny mpankasitraka e !

[V3]
 Mbola Izy no Filoha
 Mpitarika anay,
 Hitory ka hamoha
 Ireo namanay :
 Vahoaka an-tapitrisa
 No mbola hasondrotray,
 Hahita Paradisa
 Ho zanaky ny Ray.

[V4]
 Ry Jeso, hatanjaho
 Ny fiangonana,
 Hijoro, ho tena taho
 Mamoa mandrakizay.
 Hianao anie no sandry
 Izay tena tanjakay,
 No sady hany andry
 Izay hijoroanay.

[V5]
 Jesosy soa malala !
 Tsy foinay Hianao,
 Ny fonay dia handala
 Ity lova taminao.
 Fanahy ravoravo
 Noho ny teninao,
 Ry Zanaky ny Avo,
 Izao misaotra Anao.</lyrics>
<author>I.D. Sankey</author>
</song>